من روائع الشاعر الشعبي باحريز



وداك الدلو لي قلته سقط في البير بايطلع
ولاطلع باتشل وحده وحده باتخليها
وحده قال بو سالم خير من عشر ماتنفع
وزنها يابن الصوري وفكر في معانيها
ونا ماباخرج الزامل بلا سكين نتبرع
وكل رقبه طويله راس لها اّفه توطيها
ويا طارق طرق واسرع وشل السيف والمخلع
وصبح راسها خله وخل كل عين تبكيها
ومن غراك لا تغتر ومن طمعك لاتطمع
ولاشفت السماء سوده تعوذمن مناشيها
لاعزمت السفر خاير اذا ما بان لك مطلع
واذا وصلت سفينة نوح حمل ما معك فيها
وللأيام سكرتها تبت وتقول لك برجع
كما لي يخرج الكلمه ويرجع ما يوفيها
فرشنا الطاقه الحمره وخل كل من درع يقطع 
ودار السعد ماترقل وتسقط فوق كاريها
بغيت الصدق والواقع سبوله خير من مقلع
ونخله ماتعشي الضيف قعرها ولاتخليها